SERVICES
IN PRIMO PIANO
scrivici a
redazione@ilmiogiornale.info
Il mio giornale è una testata giornalistica
VUCCHIGLIARI ABBANNUNATU
MIRTO TERRA DI NOSTLAGIA
Quantu vote u ciealu ajiu guardatu
Ccù l’uacchi chine e lacrime e sofferente
nu piazzu u jurnu de ste mura è crullatu
Sulu u dulure a tutti reste ppè sempe
U pajse miu s’è cussi distruttu
C’eranu tante cose ca si putianu rializzare
Du statu è la curpa supratuttu
E di tanti pajsani furzati a immigrare
Tra tante lavinelle ,case chi cadanu a brandialli
Cumu e speranze nos’re jute aru viantu
Tanti visi d’amici chiusi arriati chillu canciallu
Quanti ricuardi pajse miu chi bruttu turmiantu
Quantu dulure Vucchigliari quanta disperazione
Commemorare la tua dignità porte tanta tristizza
Ogni deficienza e stata du statu frudature
Mi siantu na ferita e respiru di friddizza
Riunimu e nos’re idee ccù tanta forza è vuluntà
Avanti ccù curaggiu u pajise a ddè campare
e nos’re radici su l’ essenza di vita di sta comunità
a sua memoria i ricuardi nun si puanu sutterrare.
ROCCO GRECO, poesie in vernacolo calabrese 01\05\20225
M’affacciu ntra sta chiazza ogne matina
E tuttu ntunnu si rispira aria di nustalgia
nu cialu s’ranu cu nejia fina
na chjiazza muta nun vidi nente arrassusìa
Mirti virde culline ma sicche e jumare
puru u mari u vidi ammaliare
u tiampu passa e puru la spiranza
I giuvani partanu e Mirti ni sente mancanza
Supra sta panchina stajiu a pinsare
Chi mi ni fazzu di stu cialu e di stu mare
Na rundinella e passata mentre scrivia
Puru illa sbattuliave di malincunia
Stu paijse è pocu andatu certi ideali nun tenanu siansu
scrivu tante cose ,mi trattiagnu ,e pui piansu
u core mi vò parrare e nun riasciu a capire
terra di nustalgia è a cchiù de unu cu siantu dire
stu pajise vuanu cangiare a tante prumisse nun ci criju
nun si fa progressu, ntra tuttu su bene e Diu
u pinsiaru miju curre troppu luntanu
nun si perdunanu unu ccù l‘atru chi munnu profanu
eccu pecchi dicu ca Mirto soffre di nustalgia
a comunità nun crisce, c’è troppu egemunia
amalgamamune tutti demulimu stu muru
facimu germugliare na simenta ppè nu Mirto futuru
Rocco Greco Poesie in vernacolo calabrese 01\05\2025
A TE PAPA FRANCESCU
STANOTTE TAJIU SUNNATU MAMMA
Cumu nu picculu juru umile e forte
Tajiu vistu stamatina e ma cummuassu
Unn’ aviti avutu na bona sciorte
E ppè tuttu u munnu l’animu se scuassu
Tajiu ammiratu ppè lu curaggiu ca t’avutu
La cuerenza ppè l’umili e li bisugnusi
vicinu aru populu a core apiartu ppè dare aiutu
ostaculatu du cuviarnu da politici scuntrusi
Papa Francescu ere nu faru di spiranza
Ppè lu munnu nu modellu di certizza e carità
avvertie corruzioni atti illeciti ad ultranza
omeggiave sempe a pace e la vera libertà.
Nun s’ammucciave arriati e veste du potere
Avie curaggiu e sfidave la vita cù sorrisu
Nun si chicave dinanzi a ru destinu crudele
Ccù amure pregave è ccù chiaru visu
Senza nu veru disarmu nun c’è libertà nun c’è pace
usava ste frasi amabili e ricamate
e doppu dudici anni chi l’hannu cumbattutu ed ignoratu
oje lu commemora da muartu stu cuviarnu maleducato
Rocco Greco poesie in vernacolo calabrese 21\04\2025
Si stanotte tajiu sunnatu cara mamma
Trasie chianu chianu e chilla porta di cucina
Chillu surrisu immurtale ere na fiamma
Chiù ti merave e chiù mi venie vicina
Tajiu forse delusu cu certe azioni
E mi si venuta nsuannu ppè fammilu capire
Ma iju spiaru di averti datu puru emozioni
Ma dunatu a vita e ma lassatu suffrire
Ccà è tuttu cangiatu senza e tia
Ma l’assenza tua patisce dintra e mia
Mi mancanu e tue chiamate i tui cunsigli
Si stata nu ranne aiutu ppè tutti i figli
desideru ca tu sai ca ti puartu ntru core
Tiagnu ancora bisuagnu di na tua parola
Tinni si juta pè tutti fu nu ranne dolore
Tu si sempe a Mamma chi perduna e ti cunsola
Rocco Greco Poesie in vernacolo calabrese 30\03\2025
E VIPARE
NU S’RANU CRISTIANU
Ajiu canusciutu nu s’ranu cristianu
Si minte troppu mos’ra e pare nu samaritanu
Tene na dialettica si tu u sianti
Si fide cchìù di s’raini ca d’amici e parianti
Si sente nu profeta ma use troppu egemunia
Si sente paisanu ma tene troppa ipocrisia
ti minti a cravatta cumu sempe abituatu
ma cumu t’attiaggi ti puargi nauseatu
L’accuartu agisce sempe cu riflessiune
Mentre tu s’ravualgi ruali senza na ragiune
Si vu essare saggiu nun produrre antipatie
Di tizi pruavi truappu astiu e gelusia
Oh ! cialu o terra tiani tanta durizza
Iu ti lassu fare e ti lassu jire
U silenziu spessu è signu di chiarizza
A tua opinione e miagliu unna sentire
Ogne jurnu avissamu essare grati
Ppè e sulu fattu di vivere e stare ntunnu
No a chine ti dune gustu fa l’affidatu
nun tiani core e tinni sta fore du munnu
Su anni ca ti canusciu ma nun t’affruntu
Mi ciarchi sulu ppè numaru ppè truvare cuntu
Lassu tuttu arriati a chi non ha datu valore
a pattu ca cu mie viaggia rispiattu curaggiu e amore
Rocco Greco poesia in vernacolo calabrese 25\03\2025
Senza rose e jùri merìanu a sti barcùni
Guardanu e muntagne e puru i valluni
Cuntanu i gianti ca passanu da s’rata
Passanu u tiampu e finisce a jurnàta
Tenanu a faccia cumu u suarbu amaru
eru core piajiu e nu calamaru
vipare peccature misere scellerate
cuscìenzie velenuse e àrme macchìate
Vuji procùrati sempe guai e turmianti
E pene di lu’ mpiarnu nun su nente
Vui siti chiàghe e stamune attianti
O Diu miu e chisse scanzàme sempe
Allu munnu ci vò n’terna fida
Sperànza ùmiltà e opere bone
Ogne cosa allu munnu vene a fine
U Signure la dittu chi nasce more
Rocco Greco Poesie in vernacolo calabrese 14\03\2017